शाऊ फाउंडेशनमध्ये आपले हार्दिक स्वागत..!
शाऊ फाउंडेशन ही एक सेवाभावी स्वयंसेवी संस्था आहे, जी २०१६ साली ग्रामीण भागातील अनाथ वृद्ध, महिलावर्ग आणि मुलांच्या मदतीसाठी स्थापन करण्यात आली.
“माणसाची सेवा म्हणजेच ईश्वरसेवा.”
खरंतर आपण सगळेच कधीतरी समाजासाठी काहीतरी करायचं ठरवतो, पण आजच्या धावपळीच्या जीवनात ती भावना कुठेतरी हरवून जाते. मात्र, ही सेवा प्रत्यक्षात आणण्यासाठी एक सुंदर संधी तुमच्यासमोर आहे — शाऊ फाउंडेशन च्या माध्यमातून!
आम्ही विशेषतः वृद्ध, ग्रामीण महिलावर्ग आणि दुर्बल घटकांवर लक्ष केंद्रित करून, गरजू लोकांसाठी सातत्याने काम करत आहोत. तुमचं थोडं सहकार्य, कुणाच्या तरी संपूर्ण जीवनात मोठा बदल घडवू शकतं.
प्रत्येक व्यक्तीला चांगले जीवन जगण्याचा अधिकार आहे.
मात्र, जेव्हा आपण ग्रामीण भागाकडे पाहतो, तेव्हा आर्थिक, सामाजिक आणि शैक्षणिक अडथळ्यांमुळे हे जीवन अधिक कठीण बनते.
शाऊ फाउंडेशन चॅरिटेबल ट्रस्ट या अडचणी ओळखून, गरजूंसाठी योग्य सहाय्य उपक्रम, सामाजिक प्रकल्प आणि विविध सेवा योजना राबवत आहे.
या ट्रस्टच्या माध्यमातून अनेक सहृदयी लोकांना ग्रामीण भागातील गरजूंपर्यंत पोहोचता येते आणि त्यांच्या जीवनात खरा व सकारात्मक बदल घडवता येतो.
सेवाभावी कार्य… ग्रामीण भागासाठी समर्पित
शाऊ फाउंडेशन चॅरिटेबल ट्रस्ट ही एक सेवाभावी स्वयंसेवी संस्था आहे, जी गेल्या दशकभरापासून समाजातील दुर्बल, वंचित आणि गरजू घटकांच्या जीवनात सकारात्मक बदल घडवत आहे.
या संस्थेचे मुख्य उद्दिष्ट म्हणजे ग्रामीण भागातील गरजू, निराधार व उपेक्षित लोकांपर्यंत पोहोचणे आणि आरोग्य, शिक्षण व सामाजिक विकासाच्या क्षेत्रात त्यांना आवश्यक ती मदत आणि आधार प्रदान करणे.